09 fev 09:12
Yangiliklar

Olimpiya o'yinlari, Qishki sport turlari

Pxenchxan-2018. AQSH bayroqdorini tanga tashlash orqali aniqlashdi

Pxenchxan-2018 Olimpiadasining tantanali ochilish marosimida AQSH bayroqdori kim bo'lishini antiqa yo'l bilan aniqlashdi.

Unga ko'ra, baxtli va shu bilan birga omadli insonni tanga tashlash yordamida aniqlashdi. Avvaliga bu vazifani bajarishga 8 nafar sportchi davogarlik qilayotgandi. Ovoz berish jarayonida Erin Xemlin va SHani Devis bir xilda ovozga ega bo'lishdi.

Natijada g'olibani tanga tashlash orqali aniqlashga to'g'ri keldi. Bunda omad chana sport turi vakilasi bo'lgan Xemlinga kulib boqdi. Endi aynan u Olimpiada stadioniga AQSH bayrog'ini ko'tarib chiqadi. Devis konkida yugurish sport turida ikki karra Olimpiada chempioni hisoblanadi.