Pyotr Yan UFC bilan yangi shartnoma imzolashdan bosh tortdi

Promoushen Yanga 6 ta jang uchun yangi shartnoma taklif qilgandi.

"Haqiqatan ham Pyotrga 6 ta jang uchun yangi shartnoma berishdi. Lekin uning shartlari, shartnoma bandlari bizni qoniqtirmadi. Jamoa bilan kelishgan holda shartnoma imzolamaslikka qaror qildik, — deyiladi Pyotr Yan jamoasi bayonotida.

Eslatib o'tamiz, rossiyalik aralash yakkakurash ustasi o'zining so'nggi jangini 10 mart tongida AQSHning Mayami shahrida tashkil etilgan UFC 299 turnirida xitoylik Song Yadongga qarshi o'tkazib, ochkolar hisobiga ko'ra g'alaba qozongandi. Yanning hisobida 17 g'alaba va 5 mag'lubiyat bor. Yadongga qadar o'tkazilgan 3 ta jangda u mag'lubiyat alamini totib ko'rgan edi.