Qarshi futbol mahorati maktabida favqulodda vaziyatlar bo'yicha o'quv-mashg'ulot tadbiri o'tkazildi + FOTO

O'zbekiston Respublikasi Vazirlar Mahkamasining 2020 yil 26 avgustdagi “O'zbekiston Respublikasi Favqulodda vaziyatlarning oldini olish va bunday vaziyatlarda harakat qilish davlat tizimini yanada takomillashtirish to'g'risida”gi 515–sonli qarori hamda O'zbekiston Respublikasi Jismoniy tarbiya va sport vazirining 2021 yil 15 yanvardagi “Jismoniy tarbiya va sport vazirligi tizimidagi sport talim muassasalarida favqulodda vaziyatlardan muhofaza qilish choralarini kuchaytirish to'g'risida”gi 52-sonli buyrug'i ijrosini taminlash maqsadida Qashqadaryo viloyati futbol mahorat maktabida o'quv-mashg'ulot bo'lib o'tdi.

Qarshi shahar Favqulodda vaziyatlar bo'limi bilan hamkorlikda o'tkazilgan mazkur tadbirda dastlab, futbol mahorat maktabining ishchi-xodimlari va futbolchi-o'quvchilaridan iborat 7 ta yo'nalish bo'yicha fuqaro muxofazasi guruhlari tuzildi.

Ushbu 7 ta fuqaro muxofazasi guruhlari mutaxassislar ko'magida favqulodda vaziyatlar xavfi tug'ilganda, yani zilzila vaqtida, yong'in sodir bo'lganida yoki shunga o'xshash salbiy holatlar kuzatilganda ogohlantirish signallarini chalishi, qanday qilib muxofazalinishi, jabrlanganlarga birinchi yordam ko'rsatish, jamoaviy va shaxsiy himoya vositalaridan foydalanish kabi qator qoidalar va uslullarni ko'rsatib berishdi.

SHuningdek, soxa mutaxassislari tomonidan botulzm, qutirish kabi kasalliklarining salbiy oqibatlari va bu kasalliklardan saqlanish bo'yicha batafsil tushunchalar berildi.

Ko'rgazmali asbob-uskunalar orqali berilgan tavsiyalar tadbir ishtirokchilariga yanayam tushunarli bo'ldi.

O'quv-mashg'ulot tadbirida viloyat jismoniy tarbiya va sport boshqarmasi boshlig'i Komil Xolmatov ishtirok etdi.

Qashqadaryo viloyati futbol mahorati maktabining manaviy-marifiy ishlar bo'yicha direktor o'rinbosari SHavkat RO'ZIEV, o'z muxbirimiz Ilhom RAHMONOV tayyorladi