Qarshida dzyudo bo'yicha "Olimpiya cho'qqilari" chempionatiga start berildi

Musobaqada respublikamizdagi Olimpiya zaxiralari kollejlarida tarbiyalanayotgan, 2004-2005 hamda 2006  yillarda tug'ilgan 140 nafar yosh dzyudo ustalari ishtirok etishmoqda.

"Olimpiya cho'qqilari" dan joy olgan mazkur chempionatning reglamentiga muvofiq, bugun  42, 46, 50, 55 va 60 kg. vazn toifalarida g'oliblar nomi aniqlansa, ertaga, 19 mart kuni 66, 73, 81, 90 hamda +90 kg. vazn toifalarida kuchlilar saralanadi. Bugun shuningdek, musobaqaning tantanali ochilish marosimi ham o'tkazildi.

Musobaqani o'tkazishdan bosh maqsad - olimpiya zaxiralari kollejlarida sport zaxirasi va malakali sportchilarni tayyorlash tizimini doimiy ravishda muvofiqlashtirib borish, Olimpiya o'yinlariga munosib ishtirok etadigan iqtidorli sportchilarni tanlab olish hamda O'zbekiston yoshlar terma jamoalari uchun zaxira tayyorlash nazarda tutilgan. 

Ilhom RAHMONOV Qarshi shahridan tayyorladi