So’nggi yangiliklar

18:17Сауль Альварес Мексика боксининг ўзидан кейинги суперюлдузи ким бўлишини айтди 0 17:56Ўзбекистон ўсмирлар терма жамоасида руминиялик мутахассис иш бошлади 0 17:35Оскар Де Ла Хойя Ортис - Спенс жангини ташкил қилмоқчи 0 17:14"Манчестер Юнайтед" Де Хеани қайтармоқчи 0 16:53Султонов Барлетта "Челленжер" турнирида 19 ёшли йигитга ютқазди 0 16:32Эшитдик-да! Флойд Мейвезер май ойида Тошкентга келади 0 16:11Сергей Фомин Анталия турнирида 1/4 финалга чиқди 0 15:50Перес "Реал" мураббийлигига Хаби Алонсо эмас, бошқа бир испанияликни олиб келмоқчи 0 15:29Нэшвиллдаги турнирнинг асосий жанги тасдиқланди 0 15:08Шон О'Мэлли Мераб Двалишвили билан жанг анонсига муносабат билдирди 0 14:47Теренс Кроуфорд: "Канело — бокснинг юзи!" 0 14:26Кечаги учрашувда Ҳусанов нега қайдномадан ҳам жой олмагани очиқланди 0 14:05"Хабиб Махачевни Топурияга қарши жангдан тийиб турибди" - Сехудо 0 13:44МОҚ Бош котиби IFMA вице-президенти билан учрашув ўтказди 0 13:23"Нганну билан жанг - шунчаки вақт масаласи" - Уайлдер 0

19 mar 16:52
Yangiliklar

Tadbirlar

Qashqadaryoda Navro'z tantanalari yoxud sovringa qo'yilgan “Lasetti” va “Spark”! FOTOGALEREYA

Navro'z shodiyonalari yurtimizning barcha shaharu qishloqlarida, ovullarida shodu-xurramlik bilan davom etmoqda.

Xususan, Qashqadaryo viloyati Kitob tumanining tog' yon bag'rida shoylashgan Qaynar qishlog'i adirliklarida Navro'z tantanalari har qachongidan-da shodumonlikda  o'tkazildi.

Erta tong, hali keksa Quyosh zaminga zarrin nurlarini yoymasdan burun, yoshu keksa sayilgoh tomon oshiqmoqda. Boisi, bugun bu qirlarda Navro'z bo'ladi, Navro'zda kurash bo'ladi, ko'pkari bo'ladi, polvonlar kurash tushib, kurashga oshiq odamlarning olqishini oladi. CHavondozlar ot o'ynatib, ko'pkariga kiradi, solimniyam zo'rini olib, elini orini orqalaydi. 

SHunday bo'ldi ham. Adirliklarda o'rnatilgan o'tovlar atrofida davra solib, Navro'zga atab momolar aytgan o'lan-laparlar, sahnada yangragan kuy-qo'shiqlar Navro'zga kelgan barcha-barchaning ko'nglini Quyosh misol yoritgani bor gap. Bir yonda darbozlar dor ustida raqsga tushayotgan bo'lsa, yana bir yonda arqon tortish. Bir so'z bilan aytganda qadriyatlar yana bir bor qadr topgan kun.

Qashqadaryo viloyati hokimligi, viloyat jismoniy tarbiya va sport boshqarmasi, tashkilot va korxonalar tashabbusi bilan o'tkazilgan mazkur tantana, ayniqsa, milliy sport turlarimiz sanalagan kurash va ko'pkari bilan yanayam jozibali bo'ldi. Minglab kurash shaydolari muxlisligida o'tgan kurash bahslarida g'oliblar qimmatbaho sovg'alarga ega chiqishdi. 

Mutloq g'oliblik uchun  o'tkazilgan bellashuvda g'uzorlik SHerali Jo'raev  kitoblik Kamol Xolmamatovni halol yiqitib, Prezident sovrini – “Spark” avtomobili sohibiga aylandi. Uloq-ko'pkari bellashuvlari ham qizigandan qizidi. Hatto qo'shni Qozog'iston davlatidan tashrif buyurgan chavondozlar ham bor mahoratlarini ishga solib, uloqni yakka ayrishga muvaffaq bo'lishdi. 

Ko'pkarida ham har bir solimga qimmatbaho sovg'alar qo'yilib, ot va chavondozning zo'rlari to'dan uloqni ayrib, belgilangan marra chizig'iga oborib tashlaverdi, sovg'alarga ega bo'laverdi. Ko'pkari shinavandalari esa, o'tirib emas, tik turib, zo'r ishtiyoq va qiziqish bilan tomosha qilishdi. G'olib chavondozlarni olqishlashdan charchashmadi ham. 

Nihoyat, uloq-ko'pkarida ham ot bilan yigitning zo'rini aniqlash payti keldi. “Uloqni tashla o'rtaga, taqimga o'ramaysan, yakka ayirasan, halol tashlaysan”, degan hayqirig'idan so'ng ko'pkari yanayam shiddatli tus oldi. Nihoyat, shahrisabzlik chavondoz Sirojiddin Jovlievga teng keladigani topilmadi. U “Fonar” laqabli oti bilan uloqni yuzlab otlar orasidan yakka ayirdi. 

SHunday qilib, Sirojiddin Jovliev Prezident sovrini - “Lasetti” avtomobilini mukofot sifatida qabul qilib oldi. Kitob tumanida o'tgan ushbu Navro'z tantanalarida Qashqadaryo viloyat hokimi Zafar Ro'ziev ishtirok etib, yig'ilganlarni bahor bayrami  bilan samimiy qutladi.

Joylarda bahor bayrami - Navro'z tantanalari davom etmoqda. Navro'z - yangi kun, yasharish fasli qutlug' bo'lsin!  

Ilhom RAHMONOV, Kitob tumanidan maxsus tayyorladi

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing