Qashqadaryodagi ommaviy sport musobaqalarida 4 mingga yaqin aholi qatnashdi

Qarshi shahrida Qashqadaryo viloyat hokimligi, viloyat davlat xavfsizlik xizmati, viloyat jismoniy tarbiya va sport boshqarmalari hamda bir qator mutasaddi tashkilotlar tashabbusi bilan aholi, ayniqsa yoshlarni turli yot g'oyalardan asrash, shuningdek, milliy qadriyatlarimizga hurmat va sadoqat ruhida tarbiyalash maqsadida “Biz buyuk yurt farzandlari – terrorizm, ekstremizm va missionerlikka qarshimiz” shiori ostida musobaqa o'tkazildi. 

Nuroniylar o'rtasida sportning shaxmat turi bo'yicha, yoshlar o'rtasida esa suzish bo'yicha, o'rta maxsus kasb-hunar talimi o'quvchilari o'rtasida stol tennisi hamda sprint (estafeta) musobaqalari, oliy talim muassasalari talabalari o'rtasida armrestling va kurash, tibbiyot xodimlari o'rtasida futbol hamda yoshlar o'rtasida marafon musobaqalari tashkil etildi. 

SHuningdek, “Otam, onam va men – sportchilar oilasimiz” shiori ostida quvnoq startlar musobaqasi ham ko'tarinki ruhda o'tkazildi.

Mazkur musobaqalarda 4000 (shundan 1000 nafardan ortig'ini xotin-qizlar tashkil etdi) nafarga yaqin turli yoshdagi aholi ishtirok etdi va sportda ham o'z iqtidorlarini namoyon qildi.

Qizg'in vaziyatlarga boy bo'lgan musobaqalar yakuniga ko'ra g'oliblik hamda sovrinli o'rinlarni qo'lga kiritgan ishtirokchilar Qarshi shahar hokimligi, viloyat jismoniy tarbiya va sport boshqarmasi, viloyat xalq talimi boshqarmasi, O'zbekiston yoshlar ittifoqining viloyat kengashi hamda boshqa mutasaddi hamkor tashkilotlar tomonidan diplom, medal, kubok va qimmatbaho esdalik sovg'alari bilan taqdirlanishdi.