22 mar 13:19
Yangiliklar
Qirg'iziston o'z tarixida ilk bor Osiyo Kubogi final bosqichiga chiqdi
Aslida o'tgan yilning 5 sentyabr sanasida bo'lib o'tishi kerak bo'lgan Qirg'iziston - Myanma uchrashuvi siyosiy sabablarga ko'ra qoldirilgandi. Ushbu o'yin bugun bo'lib o'tdi.
Janubiy Koreyaning Inchon shahridagi stadionda o'tgan bahsda Qirg'iziston terma jamoasi raqibini 5:1 hisobida taslim qildi.
SHu tariqa, saralash bahslari tugashiga bir tur qolganida Aleksandr Krestinin boshchiligidagi Qirg'iziston terma jamoasi 2019 yil BAAda bo'lib o'tadigan Osiyo Kubogi finaliga yo'llanmani qo'lga kiritdi. Guruhda dastlabki ikki o'rinni olgan jamoalar qita chempionatiga boradi.
Osiyo Kubogi-2019 saralashi
22 mart 2018 yil
Qirg'iziston - Myanma 5:1
Gollar: SHamshiev 2, Zemlyanuxin 5, 63, Vitaliy Lyuks 74, Saginbaev 88 - Ziav Zien Xtet 84
So'nggi turda Qirg'iziston o'z maydonida Hindistonni qabul qiladi. Ushbu bahs guruhda kim birinchi o'rinni olishini aniqlab beradi. Myanma esa Makao bilan bahs olib boradi.
# | Jamoa | O' | YU | D | M | T-N | O |
1 | Hindiston | 5 | 4 | 1 | 0 | 10-3 | 13 |
2 | Qirg'iziston | 5 | 3 | 1 | 1 | 12-7 | 10 |
3 | Myanma | 5 | 1 | 2 | 2 | 9-10 | 5 |
4 | Makao | 5 | 0 | 0 | 5 | 4-15 | 0 |
Hozirga qadar Osiyo Kubogi final bosqichiga chiqqan 21ta jamoaninng nomi malum bo'ldi:BAA, Qatar, Janubiy Koreya, Yaponiya, Tailand, Saudiya Arabistoni, Avstraliya, O'zbekiston, Eron, Suriya, Iroq, Xitoy, Hindiston, Livan, Iordaniya, Vetnam, Falastin, Ummon, Bahrayn, Turkmaniston, Qirg'iziston.
Yana uchta yo'llanma sohibi 27 mart kuni bo'lib o'tadigan so'nggi turdan keyin malum bo'ladi.
Fikrlar