Qirg'izistondagi fojeali halokat ortidan G'alaba cho'qqisiga chiqish uchun alpinistlar ruxsatnoma olishi talab etilmoqda

Mazkur qaror respublika Turizm davlat agentligi tomonidan 2025 yil avgust oyida rossiyalik alpinist Natalya Nagovicinaning fojiali halokati ortidan qabul qilindi.

«G'alaba cho'qqisiga chiqish uchun permit tizimi joriy etildi», — deya malum qildi respublika Turizm davlat agentligi vakili. Uning so'zlariga ko'ra, endi alpinistlar cho'qqiga chiqish yoki marshrutga yo'l olishdan oldin rasmiy ruxsatnomani olishlari shart bo'ladi. Joriy yilda Qirg'izistonda hali birorta ham sportchi G'alaba cho'qqisiga yo'l olmagan. Agentlik vakili yaqin vaqt ichida tegishli tayyorgarlikdan o'tgan va katta tajribaga ega bo'lgan alpinistlarga taxminan yigirmata ruxsatnoma berish rejalashtirilayotganini ham bildirdi.

Eslatib o'tamiz, 2025 yil 12 avgust kuni 47 yoshli rossiyalik Natalya Nagovicina yana uch nafar alpinist — rossiyalik Roman Mokrinskiy, germaniyalik Gyunter Zigmund va italiyalik Luka Sinigalya bilan birga 7439 metr balandlikdagi G'alaba cho'qqisiga ko'tarilgan. Qaytish vaqtida, 7200 metr balandlikda Nagovicina qirradan sirpanib ketib, oyog'idan jarohat olgan. Taxminlarga ko'ra, uning oyog'i singan. Hamrohi Roman Mokrinskiy unga birinchi tibbiy yordam ko'rsatib, chodir qoldirgan va yordam chaqirish uchun pastga tushgan. 13 avgust kuni Luka Sinigalya va Gyunter Zigmund Nagovicina oldiga qaytib, unga uxlash qopi, gaz o'chog'i va oziq-ovqat olib kelishgan. Biroq ular kuchsizlanish va o'ta og'ir ob-havo sharoiti tufayli uni evakuaciya qila olmagan. Keyinchalik italiyalik alpinist Luka Sinigalya miya shishi oqibatida vafot etgan.

16 avgust kuni Qirg'iziston Mudofaa vazirligi Nagovicinani vertolyot orqali evakuaciya qilishga uringan. Ammo noqulay ob-havo sababli vertolyot belgilangan nuqtaga etib bora olmagan va og'ir qo'nishga majbur bo'lgan. Oqibatda ekipaj azolari jarohat olgan. Keyingi evakuaciya urinishlari ham muvaffaqiyatsiz yakunlangan.
27 avgust kuni dron Nagovicina bo'lishi taxmin qilingan joyda hayot alomatlarini aniqlamagan va shundan so'ng Qirg'iziston Favqulodda vaziyatlar vazirligi uni bedarak yo'qolgan deb elon qilgan. 2026 yil 5 avgust holatiga ko'ra, uning jasadi hali ham tog'dan evakuaciya qilinmagan.