Qizlar o'rtasida Xorazm viloyati dzyudochilari birinchi!

Uch kun davom etgan bellashuvlar yakuniga ko'ra o'smirlar o'rtasida Samarqand viloyati terma jamoasi umumjamoa hisobida birinchi o'rinni egallagan edi. Qizlar o'rtasidagi bahslar yakunida Xorazm viloyati dzyudochilari peshqadam ekanliklarini amalda isbotlashdi. 

Xorazm viloyati terma jamoasi 3 ta oltin, 1 ta kumush, 2 ta bronza medaliga sazovor bo'ldi. Xorazm viloyati o'smirlar va qizlarning medallarini qo'shib hisoblaganda O'zbekiston chempionatini umumjamoa hisobida birinchi o'rinda yakunlashdi.    

Ikkitadan oltin va bronza medalini qo'lga kiritgan Namangan viloyati dzyudochilari ikkinchi, 1ta oltin, 2 ta kumush, 3 ta bronza medaliga ega chiqqan Buxoro viloyati dzyudochi-qizlari uchinchi o'rinni band etishdi. Keyingi o'rinlarni egallagan Qashqadaryo, Jizzax, Navoiy viloyatlari hamda Toshkent shahri jamoalari tarkibida bir nafardan O'zbekiston chempioni bo'ldi.