Qosimjonovning “SHaxmat Yulduzlari”dagi ilk mag'lubiyati

Buyuk sarkarda va davlat arbobi Amir Temur tavalludining 680-yilligiga bag'ishlab o'tkazilayotgan ushbu super turnirda dunyo tan olgan to'rt nafar grossmeyster – ozarbayjonlik SHaxriyar Mamadiyarov, isroillik Boris Gelfand, ukrainalik Ruslan Ponomarev hamda 17-jahon chempioni hamyurtimiz Rustam Qosimjonov ishtirok etyapti.

Kecha ikkinchi tur bahslarida Qosimjonov 3ta uchrashuv o'tkazib, dastlabki mag'lubiyatini qabul qilib oldi. Avvaliga Ruslan Ponomarev va SHaxriyar Mamadiyarov bilan durang o'ynagan shaxmatchimiz 3-partiyada Boris Gelfandga imkoniyatni boy berdi.

Bugungi uchrashuvlar oldidan Rustam Qosimjonov 2,5 ochko bilan uchinchi o'rinni egallab turibdi. 4,5 ochkoga ega SHaxriyar Mamadiyarov deyarli g'oliblikni qo'lga kiritdi. 

IKKINCHI DAVRA NATIJALARI:

Qosimjonov - Ponomarev 0,5:0,5

Mamadiyarov - Gelfand 1-0

Ponomarev - Gelfand 0-1

Qosimjonov - Mamadiyarov 0,5:0,5

Mamadiyarov - Ponomarev 1-0

Gelfand - Qosimjonov 1-0

Turnir jadvalidagi vaziyat: Mamadiyarov - 4,5 ochko,  Gelfand - 3 ochko, Qosimjonov - 2,5 ochko, Ponomarev - 2 ochko.

BUGUNGI UCHRASHUVLAR:

Ponomarev - Qosimjonov

Gelfand - Mamadiyarov

Gelfand - Ponomarev

Mamadiyarov - Qosimjonov

Ponomarev - Mamadiyarov

Qosimjonov - Gelfand

Malumot uchun, SHaxmat Yulduzlari turnirining umumiy mukofot jamg'armasi 50 ming Amerika Qo'shma SHtatlari dollarini tashkil etadi. G'olib grossmeyster 20 ming dollarga ega bo'ladi.