Qozog'iston OAV: "Bahodir, nega boksda bu qadar kuchlisiz?"

"Jalolov IQ darajasi yuqori bo'lgan bokschi. U ringda bo'sh qolgan joydan foydalanadi va ikkinchi raqam sifatida ishlaydi, kerak bo'lgan paytda birinchi raqamli bo'la oladi. Uning to'g'ridan yo'llaydigan kuchli zarbasi bor - bu har qanday jangchini yiqitishi mumkin. Unga chap berish uchun aql bovar qilmas darajada tezlik kerak, boshqa hech narsa bu zarbadan qochishga yordam berolmaydi. Bahodir juda epchil va tezkor bokschi. Oyoqda engil harakat qiladi,raqib yo'llayotgan zarbalarni oldindan ko'ra oladi, tez harakatlanadi va bitta joyda qotib qolmaydi. 

Bilmadim uni qancha vaqt maqtaymiz, lekin, Bahodir, nega boksda bu qadar kuchlisiz? Bu haqiqatdan ham super darajadir. Nazarimda, u og'ir vazn toifasida oltin medalga davogar birinchi raqamli bokschi", - deydi kanal muallifi.