Qozog'iston sportni byudjetdan moliyalashtirishga cheklovlar qo'ydi va legioner sportchilar olib kelishni taqiqladi

"Qozog'istonda jismoniy tarbiya va sport sohasini tizimli isloh qilish davom etmoqda. 2025 yil 16 iyun kuni Prezident Qosim-Jomart Tokaev tomonidan 2025 yilning 15 aprel kunida imzolangan "Qozog'iston Respublikasining ayrim qonun hujjatlariga jismoniy tarbiya va sport masalalari bo'yicha o'zgartish va qo'shimchalar kiritish to'g'risida"gi qonun kuchga kirdi.

Turizm va sport vazirligi tomonidan ishlab chiqilgan mazkur hujjat sport sohasida amalga oshirilayotgan keng ko'lamli qonunchilik islohotining muhim qismi bo'ldi.

Qonunning asosiy qoidalaridan biri byudjet mablag'laridan chet ellik sportchilarning ish haqi va taminoti uchun foydalanishni taqiqlashdir. Yangilik qozog'istonlik sportchilarning davlat tomonidan qo'llab-quvvatlanishini taqsimlashda ustuvorligini taminlash va milliy sport salohiyatini rivojlantirish uchun sharoit yaratishga qaratilgan.

Bundan tashqari, qonunda professional sport klublarini davlat tomonidan moliyalashtirish chegaralari belgilangan. Mazkur chora byudjet mablag'lari sarflanishining shaffofligi va samaradorligini oshirish, klublarni byudjetdan tashqari moliyalashtirish manbalarini rivojlantirishni rag'batlantirish, ularning davlat byudjetiga qaramligini kamaytirishga qaratilgan", deyiladi vazirlik bayonotida.