Qudratillo Abduqahhorov AQSHga etib bordi + FOTO

Bu haqda charm qo'lqop ustamizning o'zi saytimizga xabar berdi. 

"Jarayon kutilganidan ham tezlashib ketdi. Reja qilganimizdan ertaroq AQSHga jo'nab ketishga to'g'ri kelib qoldi. Promouter tezroq etib kelishimni so'ragan. Katta ehtimol bilan fevral oyida jang o'tkazaman. Hozircha raqib haqida malumotim yo'q. Tez orada bu bo'yicha yangilik bo'lib qoladi. Ertaga Amerikadagi mashg'ulotlarni boshlayman. Murabbiyim Ilgar Aliev hozir Mayamida va erta-indin u ham bu erga keladi va mashg'ulotlarni birga davom ettiramiz", - dedi saytimizga bergan intervyusida Abduqahhorov.

Eslatib o'tamiz, hamyurtimiz 2021 yilning 12 dekabr kuni Kanada vakili Kodi Krouliga qarshi ringga ko'tarilgandi. 10 raundga mo'ljallangan bahs to'liq davom etgan. Jangning ikkinchi raundida bokschimiz raqibini nokdaun qilishga erishganiga qaramasdan, qolgan raundlarda kanadalik ancha yaxshi harakat qildi va ochkolar evaziga g'alaba qozongan edi.