26 fev 08:16
Yangiliklar

Boks/MMA

Qudratillo Abduqahhorov ishtirokidagi jang to'liq davom etdi

Yarimo'rta vazn toifasida o'z janglarini o'tkazib kelayotgan professional bokschimiz Qudratillo Abduqahhorov (18-2) faoliyatidagi 20-jangida ringga ko'tarildi.

Hozirgina yakuniga etgan jangda charm qo'lqop ustamiz AQSHning Minneapolisidagi Armory arenasida amerikalik SHon Ouens (14-3) bilan to'qnash keldi. Premier Boxing Championship promouterlik kompaniyasi tomonidan tashkil etilgan ushbu jang to'liq 10 raund davom etdi va yakunda hakamlarning qarori bilan Ouens g'alaba qozondi.

Bu Abduqahhorov uchun faoliyatidagi ketma-ket ikkinchi mag'lubiyat bo'ldi. U bundan avvalgi jangini 2021 yilning 11 dekabr kuni kanadalik Kodi Krouliga (21-0) qarshi o'tkazib, hakamlar qaroriga ko'ra mag'lub bo'lgan edi.