Qudratillo Abduqahhorovning navbatdagi raqibi va jang sanasi malum bo'ldi

Yarimo'rta vazn toifasida jang qilib kelayotgan o'zbekistonlik professional bokschi Qudratillo Abduqahhorov (18-1) yanvar oyida Olamsport.com saytiga bergan intervyusida fevral oyida jang qilishini aytib o'tgan edi.

Malum bo'lishicha, Abduqahhorov 25 fevral kuni Minneapolis shtatida (AQSH) joylashgan Armory arenasida tashkil etilayotgan boks oqshomida ringga ko'tariladi. Ushbu boks kechasi Premier Boxing Championship promouterlik kompaniyasi tomonidan tashkillashtirilmoqda. Abduqahhorovga o'sha kuni amerikalik Vi SHon Ouens (13-3) raqiblik qiladi.

Malumot uchun, mazkur boks oqshomining markaziy jangida argentinalik Ieremiya Ponche (30-0) puerto-rikolik Matias Subrielga (18-1) qarshi ringga ko'tariladi. Ushbu jang birinchi yarimo'rta vaznda IBF chempionlik kamari uchun o'tkaziladi.

Eslatib o'tamiz, Abduqahhorov so'nggi bor 2021 yil 11 dekabr kuni kanadalik Kodi Krouliga (21-0) qarshi jang qilib, hakamlar qaroriga ko'ra mag'lub bo'lgan edi.