Quyi CHirchiqda “Yangi O'zbekiston yoshlari birlashaylik!” shiori ostida sport musobaqalari tashkil etildi

O'zbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to'g'risida”gi qarori ijrosini taminlash maqsadida Toshkent viloyati mhallalarida bir qator ishlar amalga oshirilmoqda. 

CHunonchi, mahalladagi yoshlar etakchisi faoliyatini namunaviy tashkil etish maqsadida Toshkent viloyati Quyi CHirchiq tumani “Paxtazor” mahallasi tanlab olindi.

Malumot uchun: “Paxtazor” mahallasida jami 3 853 nafar aholi istiqomat qilib kelmoqda. Mahallada 30 yoshgacha bo'lgan yoshlarning umumiy soni 1 790 nafar bo'lib, shundan maktabgacha tarbiya yoshidagi bolalar 508 nafar, 7-17 yoshli bolalar 735 nafar hamda 18-30 yoshlilar esa 547 nafarni tashkil qiladi.

Sog'lom turmush tarzini ommalashtirish maqsadida “Yangi O'zbekiston yoshlari birlashaylik!” shiori ostida sport musobaqalari tashkil etildi. Respublika sport federaciyalari va associaciyalari ishtirokida malakali hakamlar va mutaxassislar tomonidan tashkil etilgan musobaqalar yoshlarda katta qiziqish uyg'otdi.

“Paxtazor” sport o'yingohida futbol bo'yicha “Hokim kubogi” musobaqasi o'tkazildi. Unda mahallaning 14 ta ko'chasidan tuzilgan jamoalar o'zaro musobaqalashmoqda. Dastlabki kungi saralash bosqichida 8 ta jamoa tarkibida jami 80 nafar mahalla yoshlari futbolchi sifatida ishtirok etdi. SHuningdek, musobaqalar davomida 460 nafarga yaqin yoshlar ham tomoshabin sifatida qamrab olindi.

Voleybol bo'yicha mahalla xotin-qizlari o'rtasida tashkil etilgan “Prokuror kubogi” musobaqasida kechagi bahslarda jami 40 nafar xotin-qiz ishtirokchi sifatida jalb etildi. Kamondan otish musobaqasi esa mahalla yoshlari va Milliy gvardiya xodimlari ishtirokida tashkil qilindi.