Rafael Nadal: "Federer, Jokovich va men Zverev, Medvedev hamda Cicipasning ko'tarilishiga to'sqinlik qildik"

"Turda Zverev, Medvedev va Cicipas g'alaba qozona boshlaganida, Federer, Jokovich va men hali ham juda yuqori saviyada o'ynardik. "Katta uchlik" bu avlodni tor-mor qildi, chunki biz ham g'alaba qozonishni xohlardik va buni izchillik bilan uddalay oldik. Yangi avlod ko'proq imkoniyatga ega. CHunki endi, Rojer faoliyatini yakunladi, Novak va men esa turnirlarda kam ishtirok etyapmiz.

Alkaraz, Rune, Sinner juda zo'r bo'lishdan tashqari, g'alaba va unvonlarni Medvedev, Zverev, Cicipas hamda Rublyov qila olmaydigan tarzda tasavvur qila oladilar va bu ularga professional darajada yuksalishda katta yordam beradi.

Misol tariqasida, «Katta uchlik» tomonidan vayron qilingan buyuk tennischi David Ferrerni keltirmoqchiman. U tennis tarixidagi eng barqaror o'yinchilardan biri bo'lgan, biroq Ferrer yirik titullarni qo'lga kirita olmagan", - deya Nadalning so'zlarini keltirmoqda Marca.