Rahmatjon Ro'zioxunov Kamshibek Konkabaevning imkoniyati haqida gapirdi

Finalda Lazizbek Mullojonov hamda Kamshibek Konkabaev uchrashishini kutyapmiz. Bu jang amalga oshsa, Lazizbekning imkoniyatlarini qanday baholaysiz?

- Bu boks, uning ustiga og'ir vazn. Finalga kim chiqadi, kim chiqa olmaydi, buni Alloh biladi. Lazizbekni yarim finaldagi hindistonlik raqibi ham juda kuchli, Kamshibekni raqibi esa tojikistonlik yosh yigit. Konkabaevga osonroq bo'ladi. Kamshibek tajribali, Olimpiada va jahon chempionatlarini ko'rgan.

Mullojonov ham o'ziga yarasha tajribaga ega. Kim ko'proq tayyorgarlik ko'rgan bo'lsa shu bokschini qo'li baland keladi. Boksda bir gap bor: bokschini ringda ko'ramiz. Final nasib qilsa, hammasini bilib olamiz.