Rajabali SHaydullaev MVP ligasi bilan shartnoma imzoladi

Ushbu jangni u dekabr oyida yaponiyalik Kioma Akimotoga qarshi o'tkazishga tayyor, biroq qirg'izistonlik mag'lubiyatsiz jangchi allaqachon MVP ligasi bilan shartnoma imzolab ulgurgan.

Bu haqda taniqli sport sharhlovchisi Ariel Xelvani xabar berdi.

"Rajabali SHaydullaev endi Rizin va PFL chempioni! Rizin bilan shartnomaga ko'ra, unda yana bitta jang qolgan va u katta ehtimol bilan Yangi yil arafasida bo'lib o'tadi. Xo'sh, uning PFL/MVP bilan kelishuvi qanday?

Menga malum qilishlaricha, SHaydullaev PFL/MVP bilan ikki yillik shartnoma imzolagan va u yanvardan kuchga kiradi. Kelishuv allaqachon rasmiylashtirilgan. Bu ularning tarkibi uchun ajoyib yangilik. SHak-shubhasiz, SHaydullaev — UFC'dan tashqaridagi eng kuchli yarim engil vaznli jangchi", — deb yozdi jurnalist ijtimoiy tarmoqdagi sahifasida.

Osakada bo'lib o'tgan Super Rizin 5 turnirining markaziy jangi to'liq uch raund davom etdi va SHaydullaevning g'alabasi bilan yakunlandi. SHu tariqa u o'ziga tegishli bo'lgan Rizin kamarini himoya qildi hamda PFL'ning vakant chempionlik kamarini qo'lga kiritdi.

Malumot uchun, kelgusi yilning yanvaridan boshlab PFL ligasi o'z faoliyatini to'xtatadi va MVP MMA ligasi tarkibiga qo'shib yuboriladi.