Ramzan Qodirov Fyodor Emelyanenkoga munosib javob qaytardi

Gap shundaki, Qodirov tashabbusi bilan Grozniyda voyaga etmagan yoshlar o'rtasida aralash qoidalar bo'yicha turnir tashkil etilgandi. Unda Ramzan Qodirovning bir yo'la uch nafar o'g'li ham jang o'tkazgandi.

Jumladan, uning 10 yoshli o'g'li Ahmad 14 soniya ichida raqibini mag'lubiyatga uchratgandi. Eli (9 yosh) va Adam (8 yosh) ismli farzandlari ham mos ravishda 27 hamda 35 kilogramm vazn toifasidagi janglarda zafar quchishgandi.

“Mamlakat rahbariyati yoshlarni vatanparvarlik ruhida tarbiyalashga etibor qaratyapti. Biz shu shiordan kelib chiqib, bolalar o'rtasida mana shunday turnirlarni o'tkazyapmiz. Buning yomon tomoni yo'q.

Bolalarning tarbiyasi yomon bo'lib ketayotgan bir paytda bunday turnirlar ularning vatanparvarlik ruhida tarbiyalashga xizmat qiladi. Fyodor, siz nohaqsiz! Rossiyalik bahodirlar bunday yo'l tutishmaydi!” - deya o'zining “Instagram”dagi sahifasida javob qoldirgan Ramzan Qodirov.