Ramziddin Saidovni tabriklaymiz!

Ramziddin Saidov - 1982 yil 14 aprelda Buxoroda dunyoga kelgan. Dzyudo sir-asrorlarini O'zbekiston Respublikasida xizmat ko'rsatgan murabbiy, "El-yurt hurmati" ordeni sohibi, Olot dzyudo maktabi asoschisi Rustam To'raevdan o'rgangan. Saidov sportchilik faoliyati davomida Afina-2004 va London-2012 Olimpiadalari ishtirokchisi, Osiyo chempioni, Osiyo o'yinlari sovrindori bo'lgan. 2013 yilda -100 kg vazn toifasi reytingida 1-o'ringa ko'tarilgan. 2010 yilda Abu-Dabi Gran-Pri, Toshkentda o'tgan Jahon kubogi, 2012 yilda Moskva "Katta Dubulg'a" turnirlarida shoxsupaning eng yuqori pog'onasiga ko'tarilgan. 

Malumot uchun, shu yil Tokioda bo'lib o'tadigan Yozgi olimpiya o'yinlarida hakamlik qiladi. Avvalroq, Xalqaro dzyudo federaciyasi (IJF) Hakamlar qo'mitasi bu malumotni rasman tasdiqlagan edi. Tashkilot bu borada O'zbekiston dzyudo federaciyasiga rasmiy maktub yo'llab, tegishli sertifikatni taqdim etgandi. Saidov qisqa fursatda Jahon va Osiyo chempionatlari, "Masters", "Katta Dubulg'a", Gran-Pri hamda IJF bayrog'i ostida o'tkaziladigan boshqa barcha musobaqalarda hakamlik qilib, xalqaro ekspertlar tomonidan ijobiy baho oldi.

Fursatdan foydalanib, ham sportchilik, ham hakamlikda shuhrat qozonayotgan Ramziddin Saidovni bugungi unutilmas kun bilan muborakbod etamiz. Unga sog'liq, oilaviy baxt tilaymiz.