Rasman: Aleks Volkanovski o'z kamarini vaqtinchalik chempion - Yair Rodrigesdan himoya qiladi

Yarimengil vazn toifasida avstraliyalik UFC chempioni Aleks Volkanovski navbatdagi himoya jangini mazkur vaznning vaqtinchalik chempioni, meksikalik Yair Rodrigesga qarshi o'tkazadi. Jang 8 iyul kuni Las-Vegasda (AQSH) tashkil etiladigan UFC 290 turnirida o'tkaziladi va kechaning asosiy voqeligi bo'ladi.

Volkanovski so'nggi jangini engil vazn toifasida o'tkazgan edi. Unga vazn chempioni Islam Maxachev raqiblik qilgan edi. Mazkur jangda Aleks hakamlarning yakdil qarori bilan mag'lub bo'lgan edi. Yair Rodriges esa oxirgi jangida Josh Emmetni engib, yarimengil vaznning vaqtinchalik chempioniga aylangan edi.