Rasman: Bektemir Meliqo'ziev Gabriel Rosadoga qarshi revansh jangini o'tkazadi

Supero'rta vazn toifasida o'zbekistonlik professional bokschi Bektemir Meliqo'ziev (11-1) navbatdagi jangini qachon va qaerda o'tkazishi malum bo'ldi.

Hamyurtimiz 22 aprel kuni Amerika Qo'shma SHtatlarining Las-Vegas shahridagi T-Mobile arenada tashkil etilayotgan boks oqshomida ringga chiqadi. Meliqo'zievga sobiq raqibi, meksikalik Gabriel Rosado (26-16-1) raqibliq qiladi. Bektemir prof-boksdagi yagona mag'lubiyatini aynan Rosadodan qabul qilib olgan.

Takidlash joiz, Premier Boxing Championship tomonidan tashkil etilayotgan turnirning markaziy jangida engil vazn toifasi vakillari — Jervonta Devis va Rayan Garsiya to'qnash keladi.

Eslatib o'tamiz, Bektemir Meliqo'ziev so'nggi jangini 29 yanvar kuni amerikalik Ulises Serraga qarshi o'tkazib, muddatidan avval zafar quchgan edi. Rosado esa ohirgi uchta jangining barchasida mag'lub bo'ldi, uning so'nggi g'alabasi Bektemir Meliqo'ziev bilan jangga to'g'ri keladi.