Rasman! BMF kamari uchun kechadigan Xollouey - Oliveyra jangi tasdiqlandi + POSTER

7 mart kuni AQSHning Nevada shtati Las-Vegas shahrida UFC 326 turniri bo'lib o'tadi. Oqshomning asosiy jangi engil vazn toifasida BMF kamari sohibi amerikalik Maks Xollouey braziliyalik sobiq UFC chempioni CHarlz Oliveyraga qarshi oktagonga chiqadi. Ushbu to'qnashuv turnirning asosiy jangi bo'ladi.

Amerikalik va braziliyalik o'rtasidagi jang ularning birinchi uchrashuvidan deyarli o'n bir yil o'tib, revansh maqomida bo'ladi. 2015 yil avgust oyida Oliveyra birinchi raunddayoq jarohat olib, jangni davom ettira olmagan va texnik nokautli g'alaba Maksga taqdim etilgan edi.

O'shandan beri 34 yoshli Xollouey va 36 yoshli Oliveyra UFC chempionligini qo'lga kiritdi. Ularning jang oldidan tashkilotdagi umumiy g'alabalari soni 48 tani tashkil qilmoqda. Maks Xollouey uchun bu o'tgan yilning aprel oyida Jastin Getjidan tortib olingan va iyul oyida Dastin Porega qarshi jangda himoya qilgan BMF kamarining ikkinchi himoyasi bo'ladi. 

Divizion reytingida ikkinchi o'rinni egallab turgan CHarlz Oliveyra shu yilning iyun oyida bo'sh qolgan chempionlik kamari uchun kechgan jangda Iliya Topuriyaga nokaut bilan mag'lub bo'lgandi. U shundan so'ng tezda tiklandi va oktyabr oyida Rio-de-Janeyroda bo'lib o'tgan turnirda Mateush Gamrotni bo'g'ish usuli evaziga taslim etdi.