Rasman: Bobousmon Baturovning navbatdagi raqibi va jang sanasi malum bo'ldi

O'zbekistonlik 28 yoshli bokschi, havaskorlar o'rtasida Osiyo chempioni (2019, 2021), Jahon chempionati bronza medali sohibi (2019) Bobousmon Baturov (1-0) prof ringdagi ikkinchi jangini qachon va kimga qarshi o'tkazishi malum bo'ldi.

Unga ko'ra, hamyurtimiz navbatdagi jangini ham RCC Boxing turnirida o'tkazadi. 6 may kuni Rossiyaning Ekaterinburg shahrida o'tkaziladigan boks oqshomida Baturovga mezbon yurt vakili — Magomednuri Magomedov (1-0) raqiblik qiladi. Mazkur jang 8 raund etib belgilangan.

Malumot uchun, mazkur turnirning markaziy jangi rossiyalik Magomed Qurbonov (24-0) hamda franciyalik Mishel Soro (35-3-2) o'rtasida kechadi. Xabaringiz bor, Mishel Soro o'zbekistonlik Isroil Madrimovga qarshi ikki bor ringga chiqib, bir marotaba mag'lub bo'lgan va ikkinchi jangda durangga erishgan.

Eslatib o'tamiz, Bobousmon Baturov professional boksdagi debyut jangida rossiyalik Artyom Pugachga qarshi ringga chiqib, g'alaba qozongan edi.