Rasman. Boks bo'yicha barcha yosh toifalarida 2024 yilgi Osiyo chempionatlarining sana va manzillari elon qilindi

Unga ko'ra, yil davomida birinchi bo'lib, 22 yoshgacha bo'lgan bokschilar hamda yoshlar o'rtasidagi Osiyo birinchiligi tashkil etiladi. Musobaqa 25 aprel - 10 may kunlari oralig'ida Qozog'istonning Ostona shahrida o'tkaziladi.

So'ng, 21 avgust - 3 sentyabr kunlari BAAning Abu-Dabi shahrida o'smirlar hamda maktab yoshidagi o'g'il-qizlar o'rtasida Osiyo chempionati o'tkaziladi.

Kattalar o'rtasidagi Osiyo chempionatiga esa 30 noyabr - 12 dekabr kunlari Iordaniyaning Amman shahri mezbonlik qiladi.