Rasman: CHempion Leon Edvardsning jangi tasdiqlandi

Britaniyalik chempion 27 iyul kuni Manchester shahrida o'tkaziladigan UFC 304 turnirida oktagonga qaytadi. O'sha kuni u divizion reytingining ikkinchi pog'onasidan joy olgan amerikalik Belal Muhammadga qarshi oktagonga chiqadi. 

Malumot uchun, bu revansh maqomidagi jang bo'ladi. Edvards va Muhammad 2021 yilning mart oyida o'tgan jangi o'tkazilmagan deya topilgandi. Boisi, jangning ikkinchi raundida britaniyalik aralash yakkakurash ustasi raqibining ko'ziga qo'lini tiqib olgandi. Buning natijasida Belal jangni davom ettira olmagan edi.  

Eslatib o'tamiz, 32 yoshli Leon Edvards o'tgan yilning dekabr oyida Las-Vegasda o'tgan UFC 296 turnirida Kolbi Kovingtonni ochkolar hisobiga ko'ra mag'lubiyatga uchratib, o'z chempionlik kamarini muvaffaqiyatli himoya qilgandi. 35 yoshli Belal Muhammadning oxirgi jangini o'tkazganiga bir yil bo'ldi. O'tgan yili u may oyida Gilbert Bernsni mag'lub etib, qatorasiga beshinchi g'alabasini tantana qilgandi.