20 jan 13:25
Yangiliklar

Boks/MMA

Rasman. Doston Bozorov chempionlik kamarini o'zbekistonlik sportchidan himoya qiladi. Jang sanasi va manzil malum

Qozog'istonning Octagon MMA Ligasi engil vazn toifasi chempioni Doston Bozorovning navbatdagi jangi bo'yicha tafsilotlarni malum qildi.

Farg'onada tug'ilgan Doston Bozorov 23 fevral kuni Qozog'istonning Olma-Ota shahrida tashkil etiladigan Octagon 70 turnirida ishtirok etadi. Unga o'sha kuni yana bir o'zbekistonlik aralash yakka kurash ustasi Mavlonbek Mirkomilov raqiblik qiladi.

Mazkur bahs turnirning ikkinchi asosiy jangi etib belgilangan. Markaziy jangda yarim o'rta vazn toifasidagi hamyurtimiz SHohasan Mirzamatov mazkur vazndagi Liga chempioni, qozog'istonlik Georgiy Kichigin bilan to'qnash keladi.

Malumot o'rnida, Doston Bozorov hozirga qadar faoliyati davomida 12 ta jang o'tkazib, 11 ta g'alaba va 1 ta mag'lubiyat qayd etgan. Mavlonbek Mirkomilov hisobida esa 9 ta g'alaba va 2 ta mag'lubiyat bor.