Rasman. Osiyo licenzion turniri Bishkek shahrida o'tkaziladi

Bu malumotni Birlashgan kurash dunyosi (United World Wrestling) prezidenti Nenad Lalovich ham tasdiqladi. Aslida bu musobaqaga Xitoy davlati mezbonlik qilishi kerak edi. Lekin CHin yurtida tarqalgan koronavirus sabab boshqa sport turlari qatori sport kurashlari turniri ham bekor qilindi.     

"Qirg'iziston hukumati hamda mamlakat sport kurashlari federaciyasi shunday nufuzli va shu bilan birga muhim ahamiyatga ega musobaqani qabul qilish istagini bildirganidan xursandman, - dedi Lalovich. - Olimpiada yo'llanmasi uchun kechadigan turnirda ishtirok etishni hamma ham xohlaydi, shu jumladan xitoyliklar ham. Bu mamlakat kurashchilari Serbiyaga jo'natildi. Ular u erda uzoqroq muddat qolishadi va karantin holatida bo'lishadi. Serbiya tomoni mashg'ulot va trenajyor zali, gilam, borcovkalar bilan taminlaydi. Qayta tekshiruvdan o'tishgach. hammasi joyida bo'lsa, Belgraddan to'g'ri Bishkekka yo'l olishadi". 

Malumot uchun, Osiyo kvalifikacion turniri 27-29 mart kunlari bo'lib o'tadi. Finalga etib kelgan kurashchilar Tokio-2020 Olimpiadasiga yo'llanmani qo'lga kiritishadi. So'nggi jahon licenzion turniri esa 30 apreldan 3 maygacha qadar Bolgariyada o'tkaziladi.