Rasman. O'zbekistondagi yagona UFC jangchisi Mahmud Muradovning navbatdagi raqibi va jang sanasi malum bo'ldi

O'rta vazn toifasida o'zbekistonlik UFC jangchisi Mahmud Muradov (25-8) navbatdagi jangini qachon va kimga qarshi o'tkazishini malum qildi.

Unga ko'ra, hamyurtimiz 22 iyul kuni Buyuk Britaniya poytaxti bo'lmish London shahrida o'tkaziladigan Fight Night turniri doirasida oktagonga ko'tariladi. Muradovga o'sha kuni amerikalik Brayan Barberena (18-10) raqiblik qiladi.

Muradov so'nggi jangida braziliyalik Kayo Borraloga imkoniyatni boy bergan bo'lsa, Barberena ohirgi jangida Gunnar Nelsonga mag'lub bo'lgan edi.