Rasman. Qudratillo Abduqahhorovning raqibi va jang sanasi malum

Yaqindagi WBC Silver chempionlik kamaridan voz kechgan charm qo'lqop ustamiz endi yarim o'rta vazn toifasida IBF chempionlik kamari uchun jang qiladi. 25 yoshli Abduqahhorov yaponiyalik 31 yoshli bokschi Keita Obaraga qarshi ringga ko'tariladi. 

Qudratillo IBF reytingida 4-o'rinni egallab turibdi, Obara esa 6-pog'onadan joy olgan. Jang g'olibi reytingda birinchi o'ringa ko'tarilib oladi va ushbu vazn toifasida IBF chempioni Errol Spensga qarshi ringga ko'tarilish huquqini qo'lga kiritadi. Abduqahhorov - Obara saralash jangi 5 yanvar kuni Malayziyada bo'lib o'tadi. 

Malumot uchun, Qudratillo Abduqahhorov (15-0, 9 KOs) professional boksdagi faoliyati davomida 15ta jang o'tkazib, ularning barchasida g'alaba qozongan. To'qqizta jangda raqiblarini nokautga uchratgan. 

Obara esa prof boksdagi 12 yillik faoliyati davomida 24ta jang o'tkazgan bo'lib, ularning 20tasida g'alaba qozongan. O'n sakkizta jangda raqiblarini nokautga uchratgan. Uchta jangda mag'lubiyatga uchragan va etiborlisi barchasida nokautni qabul qilib olgan. Bitta jang durang bilan yakunlangan.