17 jan 16:55
Yangiliklar

Boks/MMA

Rasman. UFC 300 turniri uchun "faxriy"lar jangi elon qilindi (Poster)

14 aprel kuni Las-Vegasdagi (AQSH) "T-Mobile Arena"da UFC'ning yubiley, 300-musobaqasi o'tkaziladi.

Bugun tongda musobaqaning navbatdagi janglari elon qilindi.

Ulardan biri, engil vazn toifasida UFC'ning faxriy jangchilari - Bobbi Grin va Jim Miller to'qnashuvidir. Ular o'rtasidagi jang prelim kard doirasida 3 raund etib belgilangan.

Qizig'i, bu ular o'rtasida jang tashkil qilish uchun to'rtinchi urinishdir. Ammo UFC 300 turniridagi jang ular uchun o'zaro ilk jang bo'ladi.

Bundan tashqari, Millerning UFC 100 va UFC 200 turnirlarida ham jang qilganini takidlash lozim.

Eslatib o'tamiz, 37 yoshli Bobbi Grin UFC'da 24 ta jang o'tkazib, 12 ta g'alaba, 10 ta mag'lubiyat va 1 ta durang qayd etgan, yana bir jangi esa o'tkazilmagan, deb topilgan. U so'nggi jangini 2023 yil dekabr oyida Jalin Tyornerga qarshi o'tkazib, mag'lub bo'lgan edi.

40 yoshli Jim Miller esa UFC'da 43 ta jang o'tkazgan va 26 ta g'alaba, 16 ta mag'lubiyat qayd etgan. Uning ham bir jangi o'tkazilmagan, deb topilgan. Miller o'zining oxirgi jangini 14 yanvar kuni Gabriel Benitesga qarshi o'tkazib, muddatidan oldin g'alaba qozongan edi.