14 mar 08:25
Yangiliklar

Boks/MMA

Rasman. UFC gangsterlari boksda o'zaro jang qiladigan bo'ldi + POSTER

Amerikalik sobiq UFC jangchilari Neyt Dias va Xorxe Masvidal boks qoidalari bo'yicha jang qiladi.

Ushbu jang 1 iyun kuni AQSHning Kaliforniya shtati, Inglvud shahrida tashkil etiladigan boks oqshomi doirasida o'tkaziladi. Qayd etish joiz, aralash yakkakurash ustalari mazkur jangning yarim og'ir vazn toifasida 10 raund o'tkazilishiga kelishib olishgan.

Bu har ikki "gangster" uchun o'zaro ikkinchi jang bo'ladi. Ularning ilk to'qnashuvi 2019 yil UFC 244 turniri doirasida o'tkazilgan bo'lib, o'shanda Masvidal Diasni uchinchi raundda nokaut orqali taslim etgandi.

Malumot uchun, Masvidal MMAda umumiy hisobda 52 ta jang o'tkazib, ularning 35 tasida g'alaba qozongan. Dias esa faoliyati davomida o'tkazilgan 37 ta jangning 24 tasida raqiblaridan ustun kelgan.