Rasman! UFC Ramazon Temirovni doping uchun qancha muddatga chetlatgani malum bo'ldi

Aralash yakkakurash ustamiz UFC Antidoping siyosati qoidalarini buzgani uchun bir yilga chetlatish oldi. Bu haqda promoushenning rasmiy saytida xabar berildi.

Temirovda taqiqlangan trimetazidin (TMZ) — preparati aniqlangan edi. Ushbu modda yurak etishmovchiligi va boshqa yurak kasalliklarida qo'llaniladigan, taqiqlangan UFC ADP ro'yxatidagi gormonal va metabolik modulyatorlar sinfiga kiradi. TMZ UFC ADP qoidalariga muvofiq har qanday vaqtda taqiqlangan. Taqiqlangan modda mavjud bo'lgan namuna Temirovdan 2025 yil 12 iyun kuni Tailandning Pxuket shahridagi musobaqadan tashqari davrda, keyin esa 2025 yil 4 iyulda aynan Pxuketda qayta olingan. Temirov 12 iyundan 4 iyul kuni topshirgan testi ijobiy chiqqani haqida xabardor qilinmagani sababli, ikkala holat ham UFC ADP qoidalari bo'yicha bitta qoidabuzarlik sifatida ko'riladi. 

CSAD bu mavzuda Temirov bilan atroflicha suhbatlashdi va TMZdan foydalanish faktini ochiqchasiga tan oldi. SHu bilan birga, u qo'llashdan oldin preparatning holatini tekshirmagan va uni tayinlagan shifokorga testdan o'tgan sportchi ekanligini aytmagan. Biroq, Temirov dori unga tibbiy ko'rsatmalar bo'yicha buyurilganini va cheklangan vaqt davomida qo'llanilganini isbotini taqlim etdi, bu esa sport natijalarini yaxshilash uchun mumkin bo'lgan tasirni minimallashtirdi.

Malumot uchun, Ramazon Temirov UFC’da ikkita jang o'tkazib, har ikkisida g'alaba qozongan.