Ravshan Ermatov gandbolchilarimizning mashg'ulotini kuzatdi

Xabar berganimizdek, shu kunlarda gandbol bo'yicha O'zbekiston o'smirlar va qizlar terma jamoalari navbatdagi o'quv-mashg'ulot yig'inlarida ishtirok etishmoqda.

Jumladan, 1 noyabrdan boshlab Samarqand shahridagi 2-sonli Akademik licey sport zalida o'smirlar terma jamoasi azolari o'quv-mashg'ulotlar yig'inini olib borishmoqda.

Ayni paytda Samarqand viloyatida bo'lib turgan Jismoniy tarbiya va sport vazirining birinchi o'rinbosari Ravshan Ermatov yosh gandbolchilarimizning mashg'ulotlarini kuzatdi.

Tashrif davomida Ravshan Sayfiddinovich gandbolchilarimizga yaratilgan sharoitlar bilan qiziqdi hamda bo'lajak musobaqalarda sportchilarimizga omad tiladi.