Ravshan Ermatov O'zDJSTU professorlari bilan istiqboldagi rejalarni muhokama qildi

Unda Rashid Matkarimov, Fikrat Kerimov, SHamil Iseev kabi etakchi professorlar ishtirok etishdi. Uchrashuv davomida Ravshan Irmatov kuchli zaxiraga ega terma jamoalarimizni tayyorlashda sohaning ilm-fan masalalari ham dolzarb ekani haqida to'xtalib, bir qator istiqbolli rejalar xususida fikr almashdi. 

Terma jamoalarimizning xalqaro maydondagi muvaffaqiyatlarini oshirish maqsadida zamonaviy ilm-fan yutuqlaridan keng foydalanish, mashg'ulotlar va musobaqalar davrida sportchilarning funkcional darajasini chuqur tahlil qilish, institutni laboratoriyasini kerakli jihozlar bilan taminlash kabi masalalar batafsil ko'rib chiqildi.

Yig'ilish sportchilarimizni Xanchjou-2022 Osiyo o'yinlari va Parij-214 Olimpiya o'yinlariga tayyorlashga qaratilgan bo'lib, yakunida Ravshan Irmatov mutaxassislarga MOQ doimo hamkorlikda ishlashga tayyor ekani, o'zbek sporti yutuqlarining salmog'ini oshirishda olimlarimizning xizmati beqiyos ekanini takidlab o'tdi.