Ravshan Ro'ziqulov: "Asosiy etibor licenzion turnirga qaratilgan"

Ushbu yig'in Navoiydagi O'zbekiston chempionati hamda dekabrda Serbiya mezbonligida o'tadigan jahon chempionatiga tayyorgarlik bosqich vazifasini o'tab berayapti. 

"O'quv-mashg'ulot yig'inimiz reja asosida davom etmoqda. Istaysizmi yo'q, uzoq davom etgan karantin o'z tasirini o'tkazmay qolmadi. Tan olish kerak, kurashchilarimizning sport formasi talab darajasida emasdi. Hozirgi holatda ham ideal deya olmayman. SHu boisdan bu yig'inda asosiy etiborni terma jamoa azolarining jismoniy holati, sport formasini yaxshilashga qaratayapmiz. To'g'ri, bu ish oson bo'lmaydi. Buning uchun vaqt kerak. Kamida bir, ko'pi bilan ikki oy shug'ullanish talab etiladi. 

Eng muhimi, sportchilarimizning kayfiyati yuqori daraja, ishchanlik xususiyati, mashg'ulotda qatnashish uchun ishtiyoq bor. Bir so'z bilan aytganda, kurashchilarnig texnik-taktik, funkcional, jismoniy tayyorgarligini ko'tarish uchunmaksimal darajada harakat qilayapmiz. Bir yarim oydan so'ng jahon chempionati bo'lsa-da, asosiy etiborimiz kelgusi yilning mart oyida o'tkaziladigan Olimpiadaning licenzion turniriga qaratilgan. Jahon chempionatida qatnashsak ham yomon bo'lmasdi. CHunki, yigitlar deyarli bir yildan beri musobaqa ko'rishmadi", - dedi biz suhbatda terma jamoa bosh murabbiyi Ravshan Ro'ziqulov.