Razambek Jamalov - Olimpiada, Bekzod Abdurahmonov va boshqa mavzularda gapirdi

"O'zbekiston, yaxshi qabul qilganingiz uchun rahmat! Bu menga ishonch bag'ishlaydi. Ular meni juda yaxshi kutib olishdi. Ajoyib sharoitlar yaratib berildi. Men bularning bari uchun minnatdorman va yaxshi natijalar ko'rsatishga harakat qilaman. 

Bizda vazifa bor edi. Bu musobaqada kim yaxshi ishtirok etsa, o'sha Olimpiadaga borishi aytilgandi. Bugun g'alaba qozonishga muvaffaq bo'ldim. Men bu vazifani bajardim. Albatta, raqibim Bekzod Abdurahmonov ancha tajribali, mehnatkash, inson sifatida ham ancha yaxshi do'st. Unga mustahkam sog'lik tilayman. Agar men unga kerak bo'lib qolsam, har qanday vaqt va vaziyatda bunga tayyorman. Unga yodramim tegsa, faqat xursand bo'laman. 

Menda dunyodagi eng yaxshi murabbiylar bor. Men buni jasorat bilan ayta olaman va shunga ishonaman. Ular bilan maslahatlashib ish qilamiz. Olimpiada mening orzum edi. Bu mening Olimpiadam! Hozirgi kayfiyatim shunday", dedi Jamalov.

Eslatib o'tamiz, kecha Razambek Jamalov reyting seriyasiga kiruvchi Budapesht xalqaro turnirining g'olibiga aylangan edi. Abdurahmonov esa musobaqadagi ishtirokini yarim finalda yakunlagandi.