"Real" so'nggi 11 yillikdagi antirekordini o'rnatdi

O'yinning 13-daqiqasida "qaymoqranglilar"ning braziliyalik vingeri Vinisius Junior penaltini aniq amalga oshira olmadi - uning zarbasini mehmonlar posboni Georgiy Mamardashvili qaytardi.

"Real" uchun bu joriy mavsumda amalga oshirilmagan beshinchi 11 metrlik jarima zarbasi bo'ldi. Jamoa futbolchilari barcha musobaqalarda 16 marta penalti tepishgan, shundan 11tasini Madrid klubi futbolchilari golga aylantirishgan. Bir mavsumda beshta penaltini golga aylantira olmagani klub uchun 2013/2014-yilgi mavsumdan beri eng yomon ko'rsatkichdir. O'sha mavsumda "Real" La Ligada uchinchi o'rinni egallagan, Ispaniya kubogi va CHempionlar ligasida g'olib chiqqan.

Hozirda "qaymoqranglilar" Ispaniya chempionati turnir jadvalida "Barselona"dan 4 ochko ortda qolib, 2-o'rinda bormoqda.