Regbi va chim ustida xokkey sportining mutasaddilari bilan onlayn uchrashuv

Kecha MOQ hamda Jismoniy tarbiya va sport vazirligi rahbariyati regbi hamda chim ustida xokkey federaciyalari mutasaddilari bilan onlayn uchrashuvda mazkur sport turlarini yanada rivojlantirish borasida fikr almashishdi.

Regbi yurtimizda nisbatan yosh, chim ustida xokkey esa o'tmishda shonli tarixga ega sport turi hisoblanadi. Zero, Sobiq Ittifoq davrida “Andijanka” jamoasi chim ustida xokkey bo'yicha bir necha bor mamlakat chempioni bo'lgan, terma jamoaning asosini ushbu klub o'yinchilari tashkil etardi. Sportchilarmiz esa jahon chempionati va Olimpiadalarda ishtirok etib etib kelishgan.

Biroq bugungi davrga kelib, har ikki sport turida boshqa o'yin sport turlarida bo'lgani kabi asosiy terma jamoaning muntazam shug'ullanishi uchun sifatli maydonning yo'qligi, o'quv-mashg'ulot yig'inlarining doimiy tashkil etilmasligi kabi muammoli masalalar bong urib kelgan. Bugun terma jamoa tarkibini yana bir karra saralab, ularning shug'ullanishlari uchun qulay shart-sharoitlar yaratish, inventar va yig'inlar uchun etarli mablag'lar ajratish kabi masalalar muhokama qilindi. O'z navbatida MOQ rahbari mazkur yig'ilish borasida o'z fikrlarini bildirib o'tdi.

“Yillar davomida shunday ajoyib sport turlarini biroz beetibor qoldirib kelganmiz. Sportchilar uchun maydon topish, haqiqatda ham, asosiy masalalardan biri. Murabbiylarimiz va federaciya mutasaddilari kerakli joylarni tanlab olishsa, maydon topish masalasini hal qilishga yordam beramiz. Keyingi qadamda viloyat bo'limlari faoliyatini kuchaytirish kerak. SHunda terma jamoani yanada kuchaytirish mumkin”, – dedi Rustam SHoabdurahmonov.

Uchrashuv davomida MOQ hamda Jismoniy tarbiya va sport vazirligi rahbariyati sportchilarning karantin qoidalariga amal qilgan holda mashg'ulotlarni davom ettirishlarini so'rab qolishdi.