08 mar 20:46
Yangiliklar

Boks/MMA

Reper Dreyk Ngannu - Joshua jangiga 615 000 dollar tikdi

Kanadalik taniqli reper Dreyk boks va MMA janglariga o'zining kutilmagan pul tikishlari bilan odamlarni o'ziga jalb qilib kelgan.

U aksariyat "stavka"larda yutqazadi. Bu safar ham Dreyk o'z ananasiga sodiq qoldi. Reper bugun tunda o'tkaziladigan Frensis Ngannu va Entoni Joshua o'rtasidagi jangga katta pul tikdi. Dreyk Saudiya Arabistoni poytaxti Ar-Riyod shahrida o'tadigan ushbu jangda Ngannuning g'alaba qozonishi uchun 615 000 AQSH dollari "stavka" qildi.

Agar kamerunlik sobiq UFC chempioni bugungi jangda g'alaba qozona olsa, Dreyk o'z hamyonini deyarli ikki million dollarga boyitib oladi. Frensisning g'alabasiga 3.10 koeficent berilgan.

Eslatib o'tamiz, o'tgan yilning sentyabr oyida Dreyk Israel Adesanyaga raqibi SHon Striklendni nokaut qilishi uchun 500 000 dollar, dekabr oyida esa Leon Edvardsning Kolbi Kovingtonni muddatidan avval mag'lub etishiga 250 000 dollar tikkan edi. SHu yilning yanvarida u yana 700 000 dollar yutqazdi. Reper Striklendning Drikus Dyu Plessini mag'lub etishiga pul "stavka" qilgandi.

Bu hammasi emas, Dreyk Konor Makgregor, Joze Aldo, Kamaru Usman, Jastin Getji, Xorxe Masvidal, Entoni Joshua ishtirokidagi janglarga ham pul tikib, katta miqdorda yutqazib qo'ygan edi.