Reper Dreyk Tayson Fyurining g'alabasiga katta pul tikdi

Oqshomning markaziy jangi superozir vazn toifasida mutlaq jahon chempionligi uchun britaniyalik Tayson Fyuri hamda ukrainalik Aleksandr Usik o'rtasida o'tkaziladi. Katta janglarga pul tikishi bilan tanilgan reper Dreyk bu safar ham o'z odatiga sodiq qoldi. 

Dreyk Tayson Fyurining g'alabasiga 565 000 AQSH dollari miqdorida pul tikdi. Agar taxmini o'xshasa, million dollardan ko'proq pul ishlab oladi. Lekin shu paytgacha Dreykning taxminlari deyarli o'zini oqlamagan va u katta miqdorda pul yutqazgan. 

Masalan, Dreyk aynan Ar-Riyod shahrida o'tgan jangda Frensis Ngannuning g'alaba qozonishi uchun 615 000 dollar "stavka" qilgan va yakunda chuv tushgandi. Joshua sobiq UFC chempionini chuqur nokautga uchratgandi. O'shanda Frensisning g'alabasiga 3.10 koeficent berilgandi.  

O'tgan yilning sentyabr oyida Dreyk Israel Adesanyaga raqibi SHon Striklendni nokaut qilishi uchun 500 000 dollar, dekabr oyida esa Leon Edvardsning Kolbi Kovingtonni muddatidan avval mag'lub etishiga 250 000 dollar tikkan edi. SHu yilning yanvarida u yana 700 000 dollar yutqazdi. Reper Striklendning Drikus Dyu Plessini mag'lub etishiga pul "stavka" qilgandi.

Bu hammasi emas, Dreyk Konor Makgregor, Joze Aldo, Kamaru Usman, Jastin Getji, Xorxe Masvidal, Entoni Joshua ishtirokidagi janglarga ham pul tikib, katta miqdorda yutqazib qo'ygan edi.