Respublikamiz bo'ylab ommaviy sport tadbirlari muntazam o'tkazilmoqda

Jumladan, Jizzax va Qashqadaryo viloyatida ham shunday tadbirlar o'tkazildi.

Jizzax shahrida viloyat Jismoniy tarbiya va sport boshqarmasi tashabbusi bilan hamkor tashkilotlar bilan birgalikda viloyat aholisi ishtirokida ertalabki ommaviy badantarbiya mashg'ulotlari va «Sog'lom hayot uchun 5000 qadam» shiori ostida ommaviy yurish sport tadbirlari bo'lib o'tdi.

Ommaviy tadbirda uch ming nafarga yaqin aholi ishtirok etdi. Tadbir erta tongda «Sug'diyona» sport majmuasida badantarbiya mashg'ulotlari bilan boshlandi shundan so'ng SHarof Rashidov shox ko'chasi bo'ylab «Yoshlar shaharchasi»gacha bo'lgan masofa bosib o'tildi.

Qashqadaryoda ham ommaviy badantarbiya hamda yurish marafonlari bo'lib o'tdi. Tadbirda 7 yoshdan 70 yoshgacha bo'lgan aholi faol ishtirok etdi. Jizzaxda bo'lgani kabi Qashqadaryoda ham badantarbiya mashg'ulotlari so'ngra yurish marafoni o'tkazildi.
 

Bu kabi ommaviy sport tadbirlari barcha hududlarda muntazam o'tkazib kelinmoqda.