Retro! Singan burun, tablichka ko'targan qizlar yohud 2007 yil Toshkentda o'tgan prof boks oqshomining markaziy jangidan FOTOREPORTAJ

O'n uch yil avvalgi professional boks kechasi SHuhrat Hasanov rahbarligidagi "Favzul Munavvar" promouterlik kompaniyasi hamda rossiyalik taniqli promouter German Titov hamkorligida tashkil etilgandi.  

Janglarga "Dinamo" sport jamiyatiga qarashli boks zali mezbonlik qilgandi. 6 yanvar kuni o'tkazilgan boks kechasida Alisher Rahimov, SHerzod Husanov singari taniqli charm qo'lqop ustalarimiz ringga ko'tarilishgandi. Ancha sovuq bo'lgani uchun sport zali derazalariga plenka tutilgan edi. 

Quyida etiboringizga oqshomning markaziy bahsi Alisher Rahimov - Tohir Ibragimov jangi aks etgan suratlarni havola qilamiz. Bu Rahimov uchun prof boksdagi 13-jang edi. Ungacha o'tkazilgan 12 ta jangning barchasida zafar quchgandi. Ibragimov bilan bo'lgan jangda ham yoqimli ananani davom ettirgan. Suratlarni ko'rish orqali 13 yil avval o'tkazilgan boks kechasining jozibasidan oz bo'lsa-da, bahramand bo'ling. 

Suratlar muallifi - Alimurod MAMADAMINOV, o'z muxbirimiz