Reyting turnirida ishtirok etuvchi erkin kurashchilarimiz tarkibi malum

Aniqrog'i, 2-5 iyun kunlari Qozog'istonning Almati shahrida erkin, yunon-rum va ayollar kurashi bo'yicha reyting turniri bo'lib o'tadi. Dunyo kurashi yulduzlari ishtirok etadigan ushbu nufuzli musobaqada O'zbekiston terma jamoasi ham har uchchala yo'nalishda yurtimiz sharafini himoya qiladi. 

Xususan, erkin kurash bellashuvlarida terma jamoamizning 10 nafar azosi musobaqa medallari hamda muhim reyting ochkolari uchun bahs olib boradi. Ular orasida Olimpiya o'yinlari sovrindorlari Bekzod Abdurahmonov, Ixtiyor Navro'zov, Magomed Ibragimov singari tajribali erkin kurashchilarimiz bor. 

Terma jamoamiz tarkibi:

65 kg: Abbos Rahmonov 

65 kg: Umidjon Jalolov

70 kg: Zafarbek Otaxonov

74 kg: Ixtiyor Navro'zov

74 kg: Asomiddin Hasanov

86 kg: Bekzod Abdurahmonov 

86 kg: Bobur Islomov 

97 kg: Magomed Ibragimov 

97 kg: Muhammadrasul Rahimov

125 kg: Sardorbek Xolmatov 

Murabbiylar - Olimjon Hikmatov, Abdurauf Bozorboev