Rigada MDH va Boltiqbo'yi MOQ vakillari ishtirokida mintaqaviy forum o'tkazildi

Forumni Latviya Milliy olimpiya qo'mitasi Olimpiya birdamligi va MDH Milliy Olimpiya qo'mitalari Associaciyasi ko'magida tashkil qildi. Unda O'zbekiston Milliy olimiya qo'mitasi Bosh kotibi Jasur Matchanov ham ishtirok etdi.

Ikki kun davom etgan yig'ilishda forum ishtirokchilari Olimpiya sport turlari rivoji, Olimpiya harakati bo'yicha o'zaro fikr almashishdi, taqdimot o'tkazib, o'z maruzalari bilan ishtirok etishdi.

Milliy olimpiya qo'mitasi mamlakatimizda Olimpiya Xartiyasi tamoyillarini buzmagan holda sport rivoji yo'lidagi harakat va targ'ibotni olib bormoqda. Barcha MOQlarning maqsadi bitta, uslublar esa o'zgacha. Forumda 15 mamlakat vakillari Olimpiya harakati, Olimpiya talimoti, talabalar sporti kabi masalalarni ham muhokama qilishdi. SHuningdek, Sport tibbiyoti, fan va ommaviy axborot vositalarining bog'liqligi ham o'rtaga tashlangan muhim mavzulardan biri bo'ldi.

Ishtirokchilar bundan tashqari sportchilarni xalqaro musobaqalarga tayyorlash tajribasi bilan ham o'rtoqlashishdi, muvaffaqiyatlar va turli muammolarni muhokama qilishdi. Ortda qolgan forum ishtirokchilar uchun haqiqiy axborot maydoni bo'ldi. Ular sport sohasidagi masalalar borasida yangi tajriba orttirishdi.