Riko Verxuven Usikdan bahsli mag'lubiyat uchun revansh talab qilmoqda

Riko 11-raundning 2:59 daqiqasida texnik nokaut bilan mag'lubiyatini qayd etgan hakam jangni to'xtatishga shoshildi, deb hisoblaydi va ukrainalik bilan revanshga umid qilmoqda.

"Ha, albatta, hakam qaroridan noroziman. To'xtatishga sabab yo'q edi. Raund deyarli tugagandi - men zarbadan yiqilmadim, bir soniya hech narsani hal qilmasdi. Bir daqiqalik tanaffusdan keyin qaytib bemalol jangni yakunlay olardim. Bir raundgina qolgandi. Men buni aynan shunday ko'raman. Jangni to'xtatmaslik kerak edi. Hammasi juda yaqin edi. Men g'alabaga yaqin edim, hammasi ancha tekis edi. Har holda, menga shunday tuyuldi. SHunga qaramay, men juda faxrlanaman va minnatdorman. Bugun hammamiz tarixga kirdik", - dedi niderlandiyalik jangdan so'ng.

Misrdagi Giza ehromlari yaqinida bo'lib o'tgan jangdan so'ng darhol shou promouteri Turki Al ash-SHayx Verxuvenning vatani Niderlandiyada revansh jangi uyushtirishni taklif qildi.

"Albatta, men revansh xohlayman, lekin bu menga bog'liq emas. Imkoniyat uchun, shuningdek, Usik bu jangga rozi bo'lganidan juda minnatdorman. Revansh haqidagi qarorni men qabul qilmayman, shuning uchun bundan keyin nima bo'lishini ko'ramiz", - deya qo'shimcha qildi Verxuven.