Rio-2016. 14-kun. O'zbekistonlik sportchilarning bugungi ishtiroki yakunlandi

YANGILASH

02:18. Bu orada badiiy gimnastikachimiz Anatasiya Serdyukova ham o'z ishtirokini yakunladi. Finalga chiqish uchun kuchli o'ntalikdan joy olish talab etilardi. Ammo, Nastya yakunda 17-o'rin bilan cheklandi. SHu bilan sportchilarimizning bugungi ishtiroki yakunlandi.   

02:10. Afsuski, bundan avvalgi o'tish bahsida amaldagi Olimpiada chempioni, Jahon chempionini mag'lub etgan hamyurtimiz bronza uchun kechgan uchrashuvda ozarbayjonlik polvonga yutqazib, beshinchi o'rin bilan Olimpiadani yakunladi.  

02:07. 7:9 tugadi. Polvonimiz mag'lubiyatga uchradi. Afsus. Medal yo'q.  

02:05. Ikkinchi bo'lim davom etyapti. Afsuski, Abdurahmonov 2:8 hisobida yutkazyapti

02:03. Birinchi bo'lim 4:2 hisobida ozarlik kurashchi foydasiga hal bo'ldi. 

02:02. Jabrail yana ikki ballni o'z hisobiga qo'shib qo'ydi. Xisob 3:2, raqib foydasiga o'zgardi 

01:58. Birinchi ochkoni raqib kurashchi oldi. Bekzodni gilamdan surib chiqargani uchun, lekin shu zaxoti hamyurtimiz ikki ballni qo'lga kiritdi.   

01.57. Kurashchilar gilamda. Terma jamoamiz azosiga omad tilaymiz. 

01.55. Uning raqibi ozarbayjonlik Jabrail Gasanov bo'ladi. Birinchi Evropa o'yinlari sovrindori

01:50. Birozdan so'ng erkin kurashchimiz Bekzod Abdurahmonov bronza medali uchun gilamga chiqadi. 

00:36. Hurmatli foydalanuvchilar. Saytimizda yuzaga kelgan texnik nosozliklar uchun uzr so'raymiz. Bizni shuningdek tvitter, telegram va feysbuk ijtimoiy tarmoqlarida kuzatishingiz mumkin.

00:30. Kurashchimiz Bekzod Abdurahmonov esa amerikalik raqibi Jordan Barrozini mag'lub etdi va bronza medali uchun jangda ishtirok etish huquqini qo'lga kiritdi.

00:10. Afsuski, Nigora chorak finalda imkoniyatni boy berib qo'ydi.

23:30. Birozdan so'ng Nigora Tursunqulova yarim finalga chiqish uchun ozarbayjonlik sportchiga qarshi jang qiladi.

22:48. Qoyil! Juda qiziqarli kechgan jangda hamyurtimiz rossiyalik raqibidan revansh ola bildi va g'alaba qozondi! Yana bitta final bor! Umumiy hisobda uch nafar bokschimiz Olimpiada finaliga chiqdi!

22:34. Fazliddinning jangi boshlandi! Olg'a, O'zbekiston!

22:30. Hozir esa yana bir O'zbekiston - Rossiya to'qnashuvi boshlanmoqda. Hamyurtimiz Fazliddin G'oibnazarov Vitaliy Dunaycev bilan jang qiladi. Yana bitta final bo'ladi nasib qilsa!

22:29. Zoirov finalda rossiyalik bokschi Misha Allayanga qarshi ringga chiqadi.

22:25. G'oibnazarovning jangi esa 5 daqiqadan so'ng boshlanadi.

22:22. Gimnastikachimiz Anastasiya Serdyukova birinchi chiqishidan so'ng 26 nafar sportchi ichida 9, ikkinchi chiqishida esa 16-natijani qayd etdi. Birozdan so'ng uchinchi chiqish bo'ladi.

22:12. SHahobiddin finalda! G'alaba!

22:08. SHahobiddin ikkinchi raundni ham o'z foydasiga hal qildi. Yana bitta final yaqin o'rtoqlar!

22:05. Birinchi raundda hamyurtimizning qo'li baland keldi.

22:00. Jang boshlandi!

21:50. SHahobiddinning jangiga 10 daqiqa qoldi! Kutamiz!

21:10. Rossiyalik kurashchi finalga yo'llanma oldi. Endi hamyurtimiz Bekzod Abdurahmonov bronza medallari uchun kurashishi mumkin. Bu yo'lda uning ilk raqibi amerikalik Jordan Barrouz bo'ladi. Ushbu jang bugun tunda, Toshkent vaqti bilan soat 00:05 da boshlanishi lozim.

21:00. SHahobiddin Zoirovning yarim final jangiga bir soat vaqt qoldi!

20:20. Nigora Tursunqulovaning ilk jangining videosi saytimizga joylandi. Tomosha qilmaganlar bo'lsa :)

20:10. Rahmonovning kubalik raqibi chorak finalda imkoniyatni boy berib qo'ydi. SHu tariqa, yosh sportchimizda bronza medali uchun kurashish imkoniyati qolmadi. Bekzod Abdurahmonovni mag'lub etgan rossiyalik kurashchi esa yarim finalga chiqdi.

20:00. Nikita qo'shimcha vaqtda imkoniyatni boy berib qo'ydi... SHu tariqa Rafalovich uchun Olimpiada yakunlandi.

19:44. Endi Nikita Rafalovich tunislik raqibiga qarshi dayanga chiqmoqda. Omad tilab qolamiz Nikitaga!

19:40. Nigora endi bugun soat 23:55 da ozarbayjonlik sporchiga qarshi jang qiladi.

19:15. Yaxshiii! Nigora ikkinchi raqamli taekvondochiga qarshi jangda g'alaba qozondi va keyingi bosqichga yo'llanmani qo'lga kiritdi.

19:00. Ayni paytda taekvondochimiz Nigora Tursunqulova shveciyalik raqibiga qarshi jang o'tkazmoqda.

18:50. Afsuski, Bekzod rossiyalik raqibiga yutqazdi. Agar rossiyalik sportchi finalga chiqadigan bo'lsa, hamyurtimizda bronza medali uchun imkoniyat bo'ladi.

18:41. Bekzod Abdurahmonov jangga chiqmoqda.

18:33. Kanoechilarimiz yarim finalda finishga ikkinchi bo'lib etib borishdi va final yo'llanmasini qo'lga kiritishdi.

18:02. 18 yoshli sportchimiz tajribali kubalik raqibiga 0:10 hisobida imkoniyatni boy berib qo'ydi...

17:57. Abbos Rahmonov o'z ishtirokini boshlamoqda.

17:44. Birozdan so'ng erkin kurashchimiz Abbos Rahmonov kubalik raqibiga qarshi gilamga chiqadi.

17:35. Finishga eng so'nggi bo'lib kelgan sportchilarimiz finalga yo'llanma ola bilmadilar, endi ular soat 18:20 dan so'ng final saralashida o'z imkoniyatlarini sinab ko'radilar.

17:29. Boshlandi!

17:25. Yana birozdan so'ng bizning shovvozlar ishtirokni boshlaydilar. Omad tilaymiz ularga! Agar ular ushbu bosqichda birinchi bo'lib finishga etib borsalar finalda ishtirok etish huquqini qo'lga kiritadilar.

17:10. Sportchilarimizning bugungi ishtiroklarini kanoeda eshkak eshadigan sportchilarimiz boshlab berishadi. Gerasim Kochnev hamda Serik Mirbekovlar 1000 metrga juft bo'lib eshkak eshish bahslarini soat 17:29 da boshlashlari rejalashtirilgan.

17:05. Bugun quyidagi sportchilarimiz Olimpiadada ishtirok etadilar:

Gerasim Kochnev, Serik Mirbekov - (Kanoeda eshkak eshish, juftlik, 1000 metr) - 17:29

Abbos Rahmonov - (Erkin kurash, saralashdan finalgacha) - 18:00 dan keyin

Bekzod Abdurahmonov - (Erkin kurash, saralashdan finalgacha) - 18:00 dan keyin

Anastasiya Serdyukova - (Badiiy gimnastika, saralash) - 18:20

Nigora Tursunqulova - (Taekvondo, saralashdan finalgacha) - 19:00

Nikita Rafalovich - (Taekvondo, saralashdan finalgacha) - 19:45

SHahobiddin Zoirov - (Boks, yarim final) - 22:00

Fazliddin G'oibnazarov - (Boks, yarim final) - 22:30

17:00. Assalomu alaykum hurmatli sport ishqibozlari. Bugun Olimpiadada yurtimiz sharafini himoya qiladigan sportchilarning ishtirokidan onlayn malumotlar taqdim etishni boshlaymiz.