Rio-2016. 6-kun. O'zbekistonlik sportchilarning bugungi ishtiroklari yakunlandi

22:00. Bugun Olimpiada ishtirok etadigan sportchilarimizning chiqishlari yakunlandi. Ertaga bizni ajoyib kun kutib turibdi. Ko'plab sportchilarimiz Riodagi Olimpiadada chiqish qiladilar. Bizni kuzatishda davom eting! Ertagacha!

21:56.Afsuski, Elshod Rasulov britaniyalik raqibiga qarshi jangda nokautga uchradi va Olimpiada bilan xayrlashdi...

21:42. Ringga boshqa bir bokschimiz Elshod Rasulov chiqib kelmoqda.

21:40. SHahramning chorak finaldagi raqibi kubalik bokschi bo'ladi. Ushbu jang 13 avgust kuni bo'lib o'tadi

21:28. SHahram G'iyosov raqibini mag'lubiyatga uchratdi va keyingi bosqichga yo'llanma oldi!

20:58. Diqqat qiling, -69 kg vazn toifasida yurtimiz sharafini himoya qiladigan hamyurtimiz SHahram G'iyosov yana birozdan  so'ng jangga chiqadi!

20:00. SHahram G'iyosovning jangiga bir soat vaqt qolmoqda!

18:10. Endilikda soat 21:00 da bokschimiz SHahram G'iyosov ringga ko'tariladi. Kutamiz!

18:06. Sportchimiz ilk jangidayoq ippon bahosi bilan imkoniyatni boy berib qo'ydi. Qurbonov uchun Olimpiada yakunlandi.

17:55. Birozdan so'ng dzyudochimiz Soyib Qurbonov ukrainalik raqibiga qarshi tatamiga chiqadi.

17:25. Bugun quyidagi sportchilarimiz Olimpiya o'yinlarida yurtimiz sharafini himoya qiladilar:

Soyib Qurbonov - (Dzyudo, -100 kg) - 18:00dan boshlab

SHahram G'iyosov - (Boks, -69 kg, nimchorak final) - 21:00

Elshod Rasulov - (Boks, -81 kg, nimchorak final) - 21:30

17:15. Assalomu alaykum. O'zbek sportchilarining 31-yozgi Olimpiadadagi ishtiroklaridan onlayn malumotlar etkazib berishni boshlaymiz.