Rio-2016. Ixtiyor Navro'zov yarim finalga yo'llanma oldi

Hozirgina yana bir vakilimiz Ixtiyor Navro'zov o'zining ikkinchi uchrashuvida ham g'alabaga erishdi. U birinchi bosqichda jiddiy raqib bahraynlik amaldagi Osiyo chempioni Adam Batirovni mag'lub etgandi.

Biroz avval chorak finalda Puerto-Riko mamlakati kurashchisi Franklin Gomesni 8:5 hisobida taslim etdi. Endi uning yarim finaldagi raqibi rossiyalik Soslan Ramonov bo'ladi. So'nggi jahon chempionatida Navro'zov Ramonovni juda qisqa fursat ichida mag'lubiyatga uchratib, katta shov-shuv ko'targan edi.